小寒係冬季第5個節氣，係每年嘅1月5號前後。小寒表示寒冷嘅程度，可以話係全年二十四節氣中最凍嘅節氣 。
小寒時節，堅持體育鍛鍊可以增強自身抵抗力、舒筋活絡，可以選擇做瑜珈 、散步、慢跑 等等運動。與此同時，心臟病同高血壓病人 應多加留意患「中風」嘅風險，因為中醫認為「血遇寒則凝 」，所以保暖工作一定要做好。
冬季保暖可以選擇以下做法：
睡前用熱水浸腳 ，再按摩腳心
曬日光浴
著棉或毛背心 （暖背保腎陽）
飲食方面應注意「就溫遠寒」，否則就會傷腎，來年春天身體唔夠生氣，就會影響生育。可以多食屬熱性嘅食物，包括：鱒魚、辣椒、肉桂等等；以及屬溫性嘅食物，如糯米、韭菜、芥菜、南瓜、荔枝、木瓜、羊肉、雞肉、蝦等等。亦有不少人選擇食八寶粥，八寶粥嘅食材有著補氣養血、驅寒強身嘅功效 。