立春簡介

立春係二十四節氣之首，為春季開端。大家經過秋冬嘅休養，春天開始勞作，所以春季嘅養生都要順應春天陽氣生發、萬物始生嘅特性，逐漸從「秋冬養陰」過渡到「春夏養陽」。

中醫認為，春天係五行中屬木，同肝臟相應，所以春季養生主要係升陽護肝，而護肝又以調節心情為主 ，可以防止肝火過盛 。

飲食方面，春季係五色中屬青，可以多食綠色嘅食物 如菠菜，韭菜，以及豆類及豆製品。由於冬天進補咗大量含油脂嘅食物，春季應盡量令腸胃休息，不宜使用辛熱、過酸之物，宜清淡為主。

特別提醒有慢性疾病嘅病患者，係春天應避免食用海魚、蝦、蟹、鹹菜、竹筍等「發物」，以免舊病復發。