top of page

春分簡介



春分係每年3月20日前後開始,重要意義與夏至、秋分、冬至一樣,對健康有較大嘅影響。進入春分時節,太陽直射赤道,南北半球受到相同嘅日照時間,晝夜平分,天氣開始漸漸暖熱,等於宣告春天已經過咗一半~


養生方面應順天行事,以保持人體陰陽平衡為本。此時人體嘅血液同激素活動正處於相對高峰期,而氣候驟變都會導致人體平衡失調,誘發如高血壓、心臟病、月經失調以及感冒發燒等疾病;所以飲食調養係十分關鍵。


情緒上,應避免太過波動同過度疲勞,建議多做戶外活動,曬曬太陽,呼吸新鮮空氣。


飲食方面,切忌大熱大寒,要力求中和。唔好食太燥、辛辣、過於進補嘅食物,例如辣椒、蒜、雞肉、羊肉都要少食。可以選擇食多多綠色嘅食物,包括綠豆芽、西蘭花、枝豆、椰菜等食物~

Commentaires


bottom of page